Ermənistan Silahlı Qüvvələri işğal etdiyi Azərbaycan torpaqlarında irimiqyaslı hərbi təlimlər keçirib.

ANS PRESS-in bölgə müxbirinin verdiyi məlumatına görə, bu gün saat 11:00 radələrindən başlayan təlimlər 3 saata yaxın davam edib. Ağdam rayonunun işğal altında olan Şahbulaq dağ massivi və Uzundərə adlanan ərazisində keçirilib. 

Hərbi təlimlər zamanı ağır artilleriya və zirehli texnikalardan istifadə edilib, ərazidə güclü partlayış və silah səsləri eşidilib. Təlimlərin başa çatmasına 15-20 dəqiqə qalmış hərbi helikopterlər havaya qaldırılıb və təlimlərdə istifadə olunan ağır artilleriya və zirehli texnikalar helikopterlərin müşayiəti ilə ərazini tərk edib.

Bölgə müxbirinin məlumatına görə, hərbi təlimləri təmas xəttindən müşahidə etmək mümkün olub.