Bu gün Demokratik Azərbaycan Dünyası Partiyasının qərargahında 31 Mart - Azərbaycanlıların Soyqırım günü ilə əlaqədar tədbir keçirilib. 

Tədbirdə çıxış edən partiya sədri Fatma xanım Əliyeva 1905-1907 - ci illərdə erməni vandallarının Azərbaycan Xalqına qarşı törətdiyi soyqırım haqqında ətraflı məlumat verən partiya sədri özlərini daim "məzlum" imicı yaratmağa çalışan erməni daşnaklarının daim Azərbaycan və umumiyyətlə Türk xalqına qarşı soyqırım siyasəti yürütdüyünü qeyd edib.

 Soyqırım qurbanlarının əziz xatirəsini böyük ehtiramla bir dəqiqəlik sükutla yad edən partiya üzvləri tədbir gedişində erməni daşnaklarının daim Azərbaycan Xalqına yönəlmiş soyqırım və etnik təmizləmə siyasətini qətiyyətlə pisləmiş və eyd etmişlər ki, 31 Mart Soyqırımı Azərbaycan Xalqının qəlbinə vurulmuş ən ağır faciədir ki , heç vaxt unudulmayacaq və daim xalqımızın erməni vandallarına qarşı ayıq sayıq olmasına işıq tutacaq.

 Tədbirin sonunda Demokratik Azərbaycan Dünyası Partiyasının sədri Fatma xanım Əliyeva 1998-ci ildən Azərbaycan Respublikasında rəsmən qeyd olunan 31 Mart Azərbaycanlıların Soyqırım gününün mahiyyətini, faciənin tarixinin dünya ictimaiyyətinə dolğun çatdırılmasının hər bir Azərbaycan vətəndaşının mənəvi borcu olduğunu bildirib.